A biblioteca organizou unha xornada de contacontos no centro. Charo Pita, escritora, cantante e contacontos estivo no noso centro e o alumnado de todas as etapas puido gozar das súas historias.
Parabén a Charo Pita polas súas historias e cancións
"A nena lectora" é o título do libro que este curso lemos no centro en todos os niveis. O autor , Manuel Rivas, recolle a importancia da cultura como axente transformador da sociedade. O premio para o alumnado mais participativo foi a excursión a Coruña, visitando a Fábrica de tabacos, onde a protagonista da historia traballou como "nena lectora", tamén a Casa das Ciencias e o Museo de san Antón. A experiencia foi moi enriquecedora e o alumnado gozou das diferentes actividades realizadas durante a xornada.
